Расказвае Лізавета Казакова.
Гэта хлопчык! - не сыходзіць з вуснаў кожнага брытанца. 3 кілаграмы 800 грамаў і сусветная слава. Шчаслівым панядзелкам стала 22 ліпеня для грамадзян і шматлікіх гасцей каралеўства.
Учарашні вечар на тыдзень афарбаваў нябесным колерам галоўныя брытанскія славутасці. І на дзень змяніў назву знакамітага выдання Сан. Хоць па-англійску гучыць практычна аднолькава сын - сонца.
Букмекеры ламаючы галаву прымаюць стаўкі на імя першынца прынца Уільяма і герцагіні Мідлтан. Агульная сума ставак ужо перавышае мільярд фунтаў стэрлінгаў. Пры гэтым большасць брытанцаў лічыць, што дзіця атрымае імя Джордж або Джэймс.
Прынц Кембрыджскі ўжо ад самага нараджэння - персона вельмі паважаная і ўплывовая. Каралеўскі ўрач Маркус Сетчэл назваў дзіця цудоўным прыгожым немаўлём. Свет з нецярпеннем чакае першыя фота і кадры.
Што датычыцца імя спадчынніка пасады, журналісты адзначаюць, што яго могуць абвясціць яшчэ не хутка. Калі нарадзіўся прынц Чарльз, яго імя паведамілі публіцы толькі праз месяц.
