Брытанскі прэм'ер Тэрэза Мэй стала першым замежным лідарам, які наведаў Вашынгтон пасля інаўгурацыі Дональда Трампа. Кіраўнік кабміна Злучанага Каралеўства абмеркавала з амерыканскім лідарам барацьбу з тэрарызмам і сітуацыю ў Сірыі.
Таксама Мэй заявіла, што Вялікабрытанія і ЗША не будуць вяртацца да правальнай палітыкі ўмяшання ў справы іншых дзяржаў. Адмысловую ўвагу палітыкі надалі адносінам Лондана і Вашынгтона з Масквой. Як паведамляюць амерыканскія СМІ, Тэрэза Мэй перасцерагла Дональда Трампа ад збліжэння з Расіяй, заклікаўшы Захад узаемадзейнічаць з гэтай краінай з пазіцыі сілы. Раней новы гаспадар Белага дома выказаў упэўненасць, што яму ўдасца паладзіць з Уладзімірам Пуціным. А літаральна некалькі гадзін таму саветнік Прэзідэнта ЗША Келіэн Конуэй распавёў журналістам, што Вашынгтон разглядае магчымасць адмены антырасійскіх санкцый. У той жа час рэзкае пахаладанне назіраецца ў адносінах ЗША і Мексікі.
Сёння стала вядома, што Дональд Трамп мае намер увесці 20-працэнтны падатак на тавары з лацінаамерыканскай краіны, а атрыманыя грошы накіраваць на будаўніцтва сцяны ўздоўж мяжы з Мексікай.