Бортправаднікі Eurowings правядуць сёння забастоўку

Прычынай сталі безвыніковыя перамовы прафсаюзаў з кіраўніцтвам кампаніі. У аэрапортах Дзюсельдорфа і Гамбурга страйк расцягнецца на суткі. Да яго далучыцца і борт-персанал кампаніі Germanwings - абедзве з'яўляюцца даччынымі прадпрыемствамі канцэрна Lufthansa. Тарыфная спрэчка паміж бортправаднікамі і кіраўніцтвам Eurowings доўжыцца ўжо больш як тры гады. Яе супрацоўнікі атрымліваюць менш, чым у галоўным падраздзяленні Lufthansa. Зараз яны патрабуюць гарантый захавання рабочых месцаў, найлепшага пенсіённага забеспячэння і долевага ўдзелу пры размеркаванні звышпрыбытку авіяперавозчыка.