Большасць амерыканцаў гатовыя падтрымаць адпраўку сухапутных сіл ЗША у Сірыю і Ірак

Большасць амерыканцаў упершыню гатовыя падтрымаць адпраўку сухапутных сіл ЗША ў Сірыю і Ірак для барацьбы з тэрарыстычнай групоўкай "Ісламская дзяржава". Такія вынікі апытання грамадскай думкі. Паводле даных CNN, правядзенне наземнай аперацыі гатовыя адобрыць 53% рэспандэнтаў. У той жа час 60% апытаных заявілі, што незадаволеныя палітыкай прэзідэнта ў барацьбе з тэрарызмам. Паўгода таму гэты пункт погляду падзяляў 51% рэспандэнтаў.