Белы дом падрыхтаваў праект афіцыйнай заявы аб увядзенні рэжыму надзвычайнага здарэння на мяжы з Мексікай.
Пра гэта паведамляе СNN са спасылкай на дакументы амерыканскай адміністрацыі. Трамп разлічвае, што гэта дазволіць вылучыць у абыход кангрэса сем мільярдаў долараў на будаўніцтва на мяжы з суседняй краінай сцяны для абароны ад нелегальных мігрантаў. Напярэдадні сенат разгледзеў альтэрнатыўныя законапраекты дэмакратаў і рэспубліканцаў па пераадоленні шатдаўну і адхіліў іх. Нагадаем, праз бюджэтны крызіс праца ўрада ЗША часткова прыпынілася з 22 снежня.
