Зараз прэзідэнт ЗША і прадстаўнікі адміністрацыі праводзяць закрытыя сустрэчы з сенатарамі - яны вярнуліся з летніх канікул. У Сенаце меркаванні падзяліліся пакуль пароўну. Галасаванне адбудзецца ў сераду.
Ці паспее Абама і што гавораць аналітыкі, раскажа Андрэй Нікалаенка. Чакаецца, што Сенат пачне абмеркаванне рэзалюцыі па Сірыі ўжо ў сераду, а прагаласуе па ёй бліжэй да канца тыдня. Крыху пазней сваё галасаванне павінны правесці члены палаты прадстаўнікоў. Учора тэлеканал CNN апублікаваў звесткі аб тым, што з 100 сенатараў на гэты момант толькі 25 гатовыя падтрымаць ваеннае ўварванне, 20 яго наогул адхіляюць, а 55 не вызначыліся з выбарам. У палаце прадстаўнікоў, паводле гэтых звестак, з больш як 400 заканадаўцаў толькі 24 за прапанаваны Абамам дакумент, 123 супраць, астатнія пакуль разважаюць. Тым часам Абама мог бы і не звяртацца па санкцыю да Кангрэса. Згодна з законам аб ваенных паўнамоцтвах ад 1973 года, ён можа выкарыстоўваць войскі за мяжой на працягу 60 дзён без аб'яўлення вайны замежнай дзяржаве. Але ваенная акцыя павінна атрымаць хоць нейкую легітымнасць, хоць бы ў саміх ЗША. Для большай пераканаўчасці апошнія дні сенатараў шпігавалі відэаролікамі сумніўнага паходжання, дзе нібы паказаныя наступствы атакі пад Дамаскам 21 жніўня.
Чакаючы галасавання Кангрэса па Сірыі, Амерыка пратэстуе супраць прапанаванай прэзідэнтам Баракам Абамам аперацыі. У Вашынгтоне і Нью-Ёрку прайшлі акцыі пратэсту, а лібералы запусцілі на тэлебачанні ролік, які заклікае Кангрэс да разумнасці. Як паказваюць вынікі розных апытанняў грамадскай думкі, больш за 50% грамадзян ЗША выступаюць супраць акцыі, падмурак для якой рыхтуе Абама.
Сталі вядомыя і новыя падрабязнасці планаванай амерыканцамі атакі на Сірыю. Як апынулася, ваеннае кіраўніцтва ЗША рыхтуецца да больш працяглай ваеннай аперацыі на тэрыторыі арабскай дзяржавы, чым планавалася першапачаткова. Паводле звестак газеты Лос-Анджэлес таймс, амерыканскія вайскоўцы планавалі трохдзённы ўдар па стратэгічных аб'ектах у Сірыі - для знішчэння былі адзначаныя 50 цэляў.
Зараз жа Пентагон уносіць карэктывы. Афіцэры, імёны якіх газета не выдае, паведамляюць, што спіс аб'ектаў будзе значна пашыраны. Для выканання адкарэктаваных задач вайскоўцы, верагодна, будуць выкарыстоўваць бамбардзіроўшчыкі, а таксама крылатыя ракеты з сваіх караблёў у Міжземным моры.
