Аўстралійскія навукоўцы выявілі найстаражытнейшы кратар на Зямлі

Нечаканае адкрыццё зрабілі аўстралійскія навукоўцы. Яны выявілі, што кратару пад назвай Ярабуба, які знаходзіцца на захадзе краіны, больш за два мільярды гадоў. А метэарыт, які стварыў яго, мог стаць прычынай канца ледніковага перыяду. Удар касмічнага цела прывёў да выпарэння паўтара трыльёна тон лёду, а вадзяны пар, які ўтварыўся, мог стаць галоўнай прычынай разагравання планеты. Дарэчы, 70-кіламетровы кратар  быў выяўлены яшчэ некалькі дзясяткаў гадоў таму. Увесь гэты час навукоўцам не атрымлівалася высветліць яго ўзрост.