Брытанскі самалёт экстранна прызямліўся ў Валенсіі

Прыйшлося  прызямліцца на 10 хвілін раней. Самалёт авіякампаніі British Airways  ажыццявіў  аварыйную пасадку  ў аэрапорце іспанскай Валенсіі. У салоне лайнера адбылося  сур'ёзнае задымленне. Ніхто не пацярпеў, усе пасажыры былі эвакуіраваныя па надзіманым трапе. Вядома, што самалёт выконваў рэйс з лонданскага аэрапорта Хітроў, дзе ў гэтыя дні праходзіць масавая забастоўка супрацоўнікаў. Там адменены  больш за 170 вылетаў.