Саміт АСЕАН праходзіць у Маніле. Сёлета арганізацыя адзначае сваё 50-годдзе. З-за апошніх падзей, звязаных з Паўночнай Карэяй, удзельнікі асацыяцыі заклікаюць да стрыманасці як Пхеньян, так і Вашынгтон.
Радрыга Дутэртэ, Прэзідэнт Філіпін:
"Краіны АСЕАН надзвычай занепакоены. Падобна, што дзве краіны гуляюць у цацкі, а гэтыя цацкі зусім не для забавы. Мы заклікаем усіх выявіць стрыманасць, уключаючы тых, хто дае парады ключавым дзеючым асобам, паколькі гэта ядзерныя боегалоўкі. Амерыцы, як буйной дзяржаве, варта паказаць разважлівасць і цярпенне".
У ноч з пятніцы на суботу КНДР зрабіла новы запуск балістычнай ракеты. Згодна з паведамленнямі замежных СМІ, ён зноў аказаўся няўдалым. Аднак ЗША, а таксама суседзі Паўночнай Карэі расцанілі яго як чарговую правакацыю.
