Амерыканскі Ваенна-марскі флот правёў выпрабаванне лазернай зброі

Амерыканскі Ваенна-марскі флот правёў у Персідскім заліве выпрабаванне лазернай зброі. Як паведамляе канал Сі-эн-эн, гэта першы ў свеце актыўны баявы лазер, які бясшумны, нябачны і паражае цэль з хуткасцю святла. Лазер быў выпрабаваны на беспілотніку. Крыло апарата ад промня ўспыхнула за секунду, ён страціў кіраванне і ўпаў у мора. Каб зброя працавала, патрэбны запас электрычнасці, што паступае з невялікага генератара, і тры чалавекі.