Пасля выкрывальных артыкулаў Сноўдэна пра тое, што Вашынгтон праслухоўвае тэлефоны еўрапейскіх чыноўнікаў, амерыканскі Дзярждэп пачынае апраўдвацца. Яго прадстаўнікі заявілі, што так робяць усе разведкі свету. Пракаментаваць скандал абяцае і прэзідэнт Барак Абама. Тым часам у МЗС Германіі заявілі, што не пацерпяць, калі амерыканцы па-ранейшаму будуць шпіёніць за іх партнёрамі. Прэзідэнт Францыі паведаміў нават пра гатоўнасць замарозіць перамовы па стварэнні трансатлантычнай зоны гандлю.
