Банкаматы загружаюць звыш нормы, таксама нарошчваюць запасы наяўнасці ў сховішчах - на выпадак, калі грамадзяне паспяшаюцца атрымаць на рукі свае зберажэнні. Прадстаўнікі трох з 10-ці вядучых банкаў краіны пацвердзілі, што дзейнічаюць у адпаведнасці з планам, які апошні раз выкарыстоўваўся два гады назад. Тады амерыканскі ўрад таксама стаяў на грані дэфолту. Афіцыйна лічыцца, што Міністэрства фінансаў ЗША вычарпае ліміт запазычанняў, а таксама свабодныя грашовыя сродкі ў канцы месяца. Паталок дзярждоўгу ЗША - амаль 17 трыльёнаў долараў - быў дасягнуты яшчэ ў маі.
