Афрыканскія краіны ўстанаўліваюць санітарны кардон у рэгіёнах распаўсюджвання вірусу

Афрыканскія краіны дамовіліся ўстанавіць санітарны кардон у рэгіёнах распаўсюджвання вірусу Эбала. Гаворка ідзе аб населеных пунктах на тэрыторыі Гвінеі, С'ера-Леоне і Ліберыі. Там абгародзяць раёны з дапамогай паліцыі і арміі. Насельніцтву дадуць матэрыяльную і дадатковую меддапамогу. У Сусветнай арганізацыі аховы здароўя папярэдзілі: наступствы далейшага распаўсюджвання ліхаманкі Эбала могуць стаць катастрафічнымі. Лік ахвяраў небяспечнага вірусу перавысіў 700 чалавек.