Афіны зноў абхопленыя пратэстамі

Парламент Грэцыі адобрыў новыя меры жорсткай эканоміі для далейшага атрымання фінансавай дапамогі ад міжнародных крэдытораў. Пакет, у прыватнасці, прадугледжвае ўзмацненне жорсткасці ўмоў для правядзення забастовак і скарачэнне пенсій і сацыяльных выплат. Гэта і выклікала незадаволенасць дэманстрантаў. На вуліцы Афін і Салонікаў выйшлі каля 20 тысяч пратэстантаў. Некаторыя з іх закідвалі паліцэйскіх камянямі і бутэлькамі з гаручай сумессю. У адказ вартавыя парадку прымянілі светла-шумавыя гранаты і слёзатачывы газ.