Афганскія войскі адбілі ў талібаў горад Кундуз

Афганскія войскі падчас буйнога наступлення раніцай выбілі талібаў з горада Кундуз. Баевікі "Талібана" захапілі яго ў панядзелак, 28 верасня. У момант атакі большасць армейскіх і паліцэйскіх падраздзяленняў знаходзіліся за горадам, губернатар правінцыі - у Таджыкістане, а ўсё кіраўніцтва сілавікоў - у Кабуле. Баевікі ўзялі пад кантроль ключавыя пункты на падыходах да Кундуза, пасля чаго прыняліся планамерна зачышчаць горад, адбіваючы ўсе контратакі ўрадавых войскаў. 29 верасня армія Афганістана пры паветранай падтрымцы ВПС ЗША пачала контрнаступленне. Першыя поспехі - узяцце турмы і будынка паліцэйскага ўпраўлення.