Колькасць загінуўшых пры крушэнні парома Севол ля берагоў Паўднёвай Карэі вырасла да 64 чалавек, лёс яшчэ 238 застаецца невядомым.
Прэзідэнт краіны Пак Кын Хе заявіла, што крушэнне парома, які патануў каля вострава Чэджу, эквівалентна забойству. Паводле яе слоў, паводзіны, прадэманстраваныя капітанам і некаторымі членамі экіпажа, недапушчальныя.
Раней паведамлялася, што 69-гадовы капітан адным з першых пакінуў судна, якое танула, выдаўшы сябе за пасажыра. Акрамя капітана судна арыштаваныя яшчэ двое членаў каманды, у тым ліку рулявы. Паводле інфармацыі следства, персанал Севола не прадпрымаў неабходных мер для выратавання людзей.
Нагадаем, аб крушэнні стала вядома 16 красавіка. Пошукава-выратавальная аперацыя на месцы караблекрушэння ідзе да гэтага часу. Спецыялісты не выключаюць, што пошукі знікшых могуць заняць каля двух месяцаў.
