30-гадовы прынц Гары зрабіў выбар

У СМІ патрапіла інфармацыя, што ён употай заручаны са сваёй даўняй сяброўкай Крэсідай Бонас. Пара рассталася летась ад таго, што дзяўчына аддала перавагу кар'еры актрысы. Апынулася, аднак, што яны з Гары ўсё яшчэ кахаюць адно аднаго. Паведамляецца, што выбранніца Гары прыйшлася даспадобы ўсім насельнікам Букінгемскага палаца, акрамя Лізаветы II. Каралеве не падабаецца апантанасць Крэсіды акцёрскай кар'ерай. Зрэшты, яна ўжо дала ўнуку сваё блаславенне. Крэсідзе Бонас 26 гадоў. Яна паходзіць з прывілейнай сям'і. Яна ўнучка графа, нашчадка караля Карла II.