12 з паловай мільярдаў тон лёду растала ў Грэнландыі за суткі

Новы катастрафічны рэкорд устаноўлены  ў Грэнландыі. За суткі там растала 12 з паловай мільярдаў тон лёду. Спецыялісты бачаць такое ўпершыню за ўсю гісторыю назіранняў,   а гэта практычна 70 гадоў. Адзначаецца, што пры гэтым 60 % паверхні лядовага шчыта Грэнландыі падталі на адзін міліметр у глыбіню. Нагадаем, лёд імкліва ператвараецца ў ваду з-за анамальнай спякоты ў Еўропе. З пачатку года ў Грэнландыі ўжо растала больш чым 250  мільярдаў тон лёду.