10 чалавек пацярпелі пры выбуху газу ў Расіі

У Расіі, паводле апошняй інфармацыі, 10 чалавек пацярпелі пры выбуху газу ў жылым доме Арэхава-Зуева. Шпіталізаваны дзіця і трое дарослых. Шасцёра атрымалі дапамогу амбулаторна. Тры чалавекі загінулі. Зараз спецыялісты працягваюць абследаваць дом. Ідзе вываз будаўнічага смецця. Нагадаем, надзвычайнае здарэнне адбылося напярэдадні. Паводле папярэдніх звестак, у выніку выбуху няспраўнай газавай калонкі ў доме абваліліся тры паверхі. У двух пад'ездах цалкам або часткова было разбурана 10 кватэр.