Сербія, Англія і Нарвегія. Жаночая U-17 каманда Беларусі па футболе даведалася пра саперніц па групавым этапе фінальнага турніру чэмпіянату Еўропы. Спаборніцтвы пройдуць з 4 па 16 мая ў Слуцку, Жодзіне, Барысаве і Мінску. Другую групу склалі Італія, Чэхія, Германія і Іспанія.
Каб прыняць буйнейшыя турніры, Беларусі не хапае вялікай футбольнай арэны. Паводле слоў Сяргея Румаса, зараз вырашаецца пытанне аб праўках у праекце стадыёна "Дынама", каб ён адпавядаў чацвёртай катэгорыі.
Стадыёны чацвёртай катэгорыі дазваляюць прымаць паядынкі фінальнай стадыі чэмпіянатаў свету і Еўропы, а таксама Лігі чэмпіёнаў.
