Заўтра ў Раўбічах пройдзе "Гонка легенд"

17 Лютага 2019

Дарэчы, яшчэ раз атрымаць асалоду ад выступлення Дар'і Домрачавай усе мы зможам ужо заўтра. У Раўбічах пройдзе "Гонка легенд", пасля якой запланаваны афіцыйныя праводзіны Дашы Домрачавай і Надзеі Скардзіны з вялікага спорту. Падзея крыху сумная, але, усё ж, самі алімпійскія чэмпіёнкі настойваюць: настрой павінны быць святочным!

Бо ў Беларусі зноў адбудзецца ўнікальны фестываль біятлона, і гэтым разам спаборніцтвы пройдуць не на лыжаролерах (як раней), а непасрэдна на снезе - "як кажуць, у баявых умовах". Разам з нашымі алімпійскімі чэмпіёнкамі выступяць не менш легендарныя Фрудэ Андрэсан, Сімона Хаўсвальд, Уладзімір Драчоў, Венсан Дэфран, вядома ж, кароль біятлона: Уле Эйнар Б’ёрндален. Следам тыдзень біятлона працягнецца чэмпіянатам Еўропы.

Станіслаў Ліпскі - аб чаканнях удзельнікаў "Гонкі легенд".

 

Хоць і навагоднія святы ўжо далёка за спінай - казачны настрой у гэтыя дні перапаўняе сэрцы аматараў біятлона, у Раўбічах ізноў пройдзе "Гонка легенд", толькі ўжо не на лыжаролерах, а непасрэдна на снезе. Мы зноў убачым у справе: Домрачаву, Скардзіну, Б’ёрндалена, Ханеволда, Дэфрана, Хаўсвальд і многіх іншых - месца цуду ў Беларусі ёсць заўсёды.

Легенды выйдуць на старт у панядзелак. Раўбічы ўжо чакаюць гасцей.

А вось удзельнікаў чакаюць два мас-старты - з двума агнявымі рубяжамі, па выніках якіх будуць сфарміраваныя пары для змяшанай эстафеты. Расклад спаборніцкай праграмы на вашых экранах, а вось пасля гонак нас чакае ўсё ж сумны момант: Дар'я Домрачава і Надзея Скардзіна ў панядзелак афіцыйна развітаюцца з вялікім спортам.

Чатырохразовы алімпійскі чэмпіён па біятлоне Аляксандр Ціханаў і зараз не жадае мірыцца з гэтым фактам, заклікаючы Дар'ю не сыходзіць з прафесійнага спорту.

Дар'я і Надзея ў гэтыя дні нарасхват, але на мінулым тыдні Даша прыхварэла, таму ўзяла паўзу, каб аднавіцца. Надзя напярэдадні дала вялікае інтэрв'ю суботняму праекту Белтэлерадыёкампаніі.

Ад станцыі метро "Барысаўскі тракт" у Раўбічы з 15:00 заўтрашняга дня будзе арганізаваны прыгарадны экспрэс-маршрут. Трыбуны спарткомплекса чакаюць сваіх гледачоў - свята біятлона будзе доўжыцца цэлы тыдзень. Следам за "Гонкай легенд" вашай увазе - чэмпіянат Еўропы.

А ўжо сёння ўдзельнікі "Гонкі легенд", нягледзячы на свой каласальны вопыт, у Раўбічах правялі афіцыйную трэніроўку: бо акрамя элемента шоу, дух спаборніцтваў ніхто не адмяняў - перамагчы жадае кожны.

Зборная Беларусі па біятлоне таксама на трасе. Першая гонка чэмпіянату Еўропы ўжо ў сераду, а, улічваючы, што прастуда, на жаль, не абышла лідараў нацкаманды - Ірыну Крыўко і Дынару Алімбекаву - важна паспрабаваць зараз паспець набраць форму, нельга марнаваць ні хвіліны.

Уле Эйнар Б’ёрндален, васьміразовы алімпійскі чэмпіён па біятлоне:

"Прывітанне ўсім беларусам! Заўтра мы зноў убачымся ў Раўбічах, спадзяюся трыбуны будуць запоўненыя, бо ў Мінск прыехала шмат вялікіх атлетаў, сапраўдных легенд - усіх нас вы зможаце ўбачыць на спаборніцтвах. Да сустрэчы!".

Такім чынам, меней чым суткі да старту "Гонкі легенд". Для тых, хто не зможа ўбачыць спаборніцтвы асабіста, Белтэлерадыёкампанія падрыхтавала прамыя трансляцыі стартаў, пачатак у 16:30 на "Беларусь 5". Не прапусціце! Будзе ярка!