Юныя біятланісты паспяхова завяршылі вучэбна-трэніровачны збор у аўстрыйскім Рамзау

Юныя  страляючыя лыжнікі, якія з'яўляюцца лепшымі па выніках этапаў Кубка Беларускай федэрацыі біятлона, паспяхова завяршылі першы ў іх кар'еры замежны вучэбна-трэніровачны збор. На працягу тыдня 14  біятланістаў (пароўну хлопчыкаў і дзяўчынак) асвойвалі нюансы гарналыжнай падрыхтоўкі ў аўстрыйскім Рамзау. Такі эксперымент прайшоў пры падтрымцы Беларускай федэрацыі біятлона. Для ўдзельнікаў Кубка магчымасць патрэніравацца ў адным з найбуйнейшых гарналыжных цэнтраў стала яшчэ адным матыватарам у барацьбе за перамогу на спаборніцтвах.