Каманда Міхаіла Захарава правяла трэніроўку напярэдадні матчу, аднак у ёй далёка не ўсе хакеісты прынялі ўдзел.
У саставе сталічнай каманды адсутнічаў нападаючы Аляксандр Абакунчык, таксама не было капітана Дзмітрыя Мялешкі, які атрымаў траўму ў матчы з "Младай Болеслаў". Але, акрамя страт, у саставе ёсць і папаўненні. Прыступіў да трэніровак пасля траўмы нападаючы Аляксандр Когалеў. Таксама стала вядома, што клуб падпісаў новага гульца, ім стаў абаронца Валерый Васільеў, які выйдзе на лёд ужо ў наступным матчы.
Валерый Васільеў, абаронца ХК "Юнацтва-Мінск":
"Я паглядзеў і сапернікаў Векшэ-Лейкерс - вельмі сур'ёзная каманда, як і "Млада Болеслаў", каманда таксама на ўзроўні, таму вядома паўплывала, я хачу расці і развівацца далей".
Міхаіл Захараў, галоўны трэнер ХК "Юнацтва-Мінск":
"У мяне такое ўражанне, што зараз яны трохі лепш гатовыя, чым да чэхаў, менавіта па руху. Вядома ж, страты вельмі крыўдныя - гэта Мялешка і Абакунчык, у нас чацвёртае звяно зараз даволі слабое. Зноў Яроха будзе гуляць у нападзе, таму што няма форвардаў, на жаль. Моладзь не цягне фізічна, у першую чаргу, таму вось гэтых двух гульцоў не хапае. Нам патрэбна толькі перамога, нам тры ачкі трэба. З дзевяці ачкоў тры браць. Мы будзем змагацца, я ведаю, што рукі не апусцім і будзем біцца за гэтыя тры ачкі".
Матч "Юнацтва-Мінск" - "Векшэ-Лейкерс" адбудзецца заўтра на "Чыжоўка-Арэне" - пачатак у 19.00. Прамую трансляцыю глядзіце на тэлеканале "Беларусь 5".
