Сёння адбудзецца другі тур чацвёртага этапу Еўралігі па пляжным футболе, які ўпершыню прымае Беларусь. Гэтыя спаборніцтвы стануць тэставымі перад ІІ Еўрапейскімі гульнямі ў Мінску. Турнір праходзіць на нацыянальным стадыёне па пляжным футболе, размешчаным у СК "Алімпійскі". Арэна была адкрытая ў аўторак. Учора наша зборная перамагла каманду з Турцыі 9:4. Сёння беларусы згуляюць з палякамі. Пачатак матча ў 18:20. А да гэтага ў 17:05 сустрэнуцца Турцыя і Італія. Прамыя трансляцыі на "Беларусь 5". Уваход на матчы вольны.
