Сёння другі дзень грандыёзнага хакейнага шоу. Мінск прымае Калядны турнір на прыз Прэзідэнта Беларусі.
Першымі на лёд сёння выйшлі каманды Расіі і Фінляндыі. Аўтарам першай закінутай шайбы другога дня стаў абаронца Сяргей Лебедзеў. Дружына нашых усходніх суседзяў пасля разгромнага паражэння напярэдадні ад славакаў, 0-12, сёння гуляе ўнічыю. Лік на дадзены момант 4-4. Заўтра на малой пляцоўцы "Чыжоўка-Арэны" прадстаўнікі краіны Суомі пазмагаюцца са Славакіяй. Сапернік каманды Расіі - Швейцарыя.
А ў 14:00 на вялікай арэне спарткомплекса ў Чыжоўцы стартаваў матч паміж камандамі Швейцарыі і Аб'яднаных Арабскіх Эміратаў, у другім перыядзе лік 1-2. Каманда Прэзідэнта Беларусі на лёд выйдзе ў 7 гадзін вечара і праэкзаменуе дэбютанта турніру - зборную Балкан, у склад якой уваходзяць прадстаўнікі васьмі дзяржаў. Гэту сустрэчу ў запісе пакажа тэлеканал "Беларусь 5". Пачатак трансляцыі ў 21:50.