Сёння ў Пхёнчхане разыгрываецца рэкордная колькасць камплектаў медалёў - 10. Увага беларускіх балельшчыкаў будзе прыкавана да біятлона.
Літаральна праз дзве гадзіны пачнецца эстафетная гонка. Нашы дзяўчаты на старт дыстанцыі 4 па 6 кіламетраў выйдуць у наступным парадку - Надзея Скардзіна, Ірына Крыўко, Дзінара Алімбекава і Дар'я Домрачава. Беларуская каманда атрымала 10-ы стартавы нумар. Усяго ж на медалі прэтэндуюць 18 эстафетных чацвёрак. Прамую трансляцыю будзе весці тэлеканал "Беларусь 5". Пачатак у 14:10.
Да гэтага моманту завяршыліся спаборніцтвы ў слаламе ў гарналыжнікаў. Наш Юрый Данілачкін па выніках дзвюх спроб заняў 33-е месца. Алімпійскім чэмпіёнам у гэтай дысцыпліне стаў Андрэ Мюлер са Швецыі. У гэтыя хвіліны тэлеканал "Беларусь 5" паказвае ў запісе другія спробы ўдзельнікаў алімпійскіх спаборніцтваў.
А ў Беларусі сёння з нецярпеннем чакаюць прылёту нашай алімпійскай чэмпіёнкі Ганны Гуськовай і ўсёй беларускай зборнай па фрыстайле. Рэйс з Абу-Дабі павінен прызямліцца ў Нацыянальным аэрапорце Мінск у 12:40.
