Уладзімір Самсонаў дапамагае зборнай Беларусі абысці Ізраіль у стартавым матчы кваліфікацыі чэмпіянату Еўропы. Сустрэча праходзіла ў новым будынку РЦАП па настольным тэнісе і завяршылася ўпэўненай перамогай гаспадароў, 3:0. Акрамя Самсонава, па адным ачку зарабілі Павел Платонаў і Аляксандр Ханін.
Уладзімір Самсонаў, 8-я ракетка свету:
"У кожным матчы ў зборнай Ізраіля былі нядрэнныя шанцы. У любым выпадку, я думаю, усе задаволеныя. Выйгралі 3:0. Зараз можна спакойна ісці на вячэру. І, вядома, было вельмі прыемна гуляць дома. Шмат гледачоў прыйшло, была выдатная атмасфера".
Наступны матч беларусы правядуць 1 лістапада ў Харватыі. Па выніках двухкругавога турніру лепшая каманда з трох кваліфікуецца ў вышэйшы дывізіён. Другая аспрэчыць гэта права з дружынай з другой групы.
