Такі галоўны вынік справаздачна-выбарнай канферэнцыі, якая праходзіць сёння ў Мінску. На гэтай пасадзе Базанаў змяніў Сяргея Румаса, які кіраваў беларускім футболам восем гадоў. Базанаў - дэпутат Палаты прадстаўнікоў. Мае футбольны вопыт (ён кіраваў брэсцкім "Дынама"). Як адзначыў новы старшыня, развіццю гэтага віду спорту ў Беларусі трэба надаць новы імпульс, а асноўную ўвагу варта надаць дзіцяча-юнацкаму футболу.
Гаворачы аб футболе вышэйшых дасягненняў, кіраўнік федэрацыі адзначыў, што беларускія балельшчыкі зачакаліся добрых вынікаў ад нацыянальнай зборнай і клубаў, якія, за выключэннем БАТЭ, няўдала выступаюць у еўракубках. Паводле яго меркавання, нацыянальная зборная павінна змагацца за выхад у фінальныя стадыі топ-турніраў.
Уладзімір Базанаў - новы старшыня асацыяцыі "Беларуская федэрацыя футбола"
27 марта 2019