Вікторыя Азаранка на тэнісным турніры ў кітайскім Ухане згуляе ў асноўнай сетцы

Экс-першая ракетка свету атрымала ад арганізатараў уайлд-кард. Турнір пройдзе з 23 па 29 верасня. Пакуль жа Вікторыю чакае барацьба на US Open, дзе Азаранка таксама стартуе з асноўнай сеткі. Жараб'ёўка турніру пройдзе 23 жніўня, а матчы асноўнага раўнда - з 27-га. Згуляе Вікторыя тут і ў парным разрадзе. Яе партнёркай стала Латыша Чань. На гэтым тыдні паспрабуюць пераадолець кваліфікацыйны бар'ер чацвёртага ў сезоне турніру Вялікага шлема Вольга Гаварцова, а таксама Ілья Івашка, Уладзімір Ігнацік і Ягор Герасімаў.