Амерыканскія тэлеканал ABCnews і выданне Washingtonpost адзначаюць, што Домрачава зараз выйграла больш золата ў біятлоне, чым любая жанчына ў алімпійскай гісторыі.
NBC канстатуе: "Домрачава робіць гісторыю сусветнага біятлона".
"Ніхто не можа параўнацца з Домрачавай", - заяўляе брытанскае выданне "Гардыян".
"Золата для Беларусі" - вітае на сваім сайце брытанская тэлерадыёвяшчальная кампанія ВВС, якая вяла прамую трансляцыю гонкі.
"Ідэальны фініш", піша агенцтва "Рэйтэр", каменціруючы перамогу залатой чацвёркі з Беларусі.
"4:8 - гэтай перамогай Дар'я Домрачава скарачае разрыў ад свайго мужа Уле-Эйнара Б’ёрндалена па колькасці алімпійскіх залатых медалёў" - адзначае Deutsche Welle.