Алена Наздрова і Надзея Макарчанка перамаглі на дыстанцыі 200 метраў у каноэ-двойцы.
У мужчын у такой жа дысцыпліне пераможцамі сталі Дзяніс Махлай і Глеб Саладуха. У міксце ў байдарцы-двойцы 200 метраў першымі фінішавалі Вольга Худзенка і Дзмітрый Натынчык. У Заслаўі завяршыўся Кубак Беларусі па веславанні.
Кубак краіны быў адборачным на міжнародныя рэгаты. Найбліжэйшая з іх - этап Кубка свету, што адбудзецца ў венгерскім Сегедзе праз два тыдні.
