Спаборніцтвы прымае лыжаролерная траса вучылішча алімпійскага рэзерву. На старт выйшлі самыя юныя ўдзельнікі - школьнікі 2007-2008 гадоў нараджэння. Працягласць трасы вар'іруецца ад 1 кіламетра 800 метраў да 2 кіламетраў 400 метраў. За кожны промах на стрэльбішчы штрафны круг 50 метраў.
Абласны этап "Снежнага снайпера" прадоўжыцца да 26 студзеня. Школьнікі выйдуць на старт у індывідуальных гонках і змяшанай эстафеце. Самыя хуткія і трапныя прадставяць каманду паўночнага рэгіёна на рэспубліканскім фінале, які пройдзе ў лютым у Раўбічах.
