У Токіа адкрыты стадыён Алімпіяды-2020

30 Лістапада 2019
Японія актыўна рыхтуецца да наступных Гульняў чатырохгоддзя. У Токіа ўведзены ў эксплуатацыю новы алімпійскі стадыён. Грандыёзная арэна была ўзведзена за 36 месяцаў на месцы старой, пабудаванай да такійскай Алімпіяды 1964 года. Дызайн заснаваны на традыцыях нацыянальнай японскай архітэктуры ў стылі "дрэва і зеляніна". Ёмістасць стадыёна - 68 000 чалавек. Асаблівую ўвагу ўдзялілі інфраструктуры для людзей з абмежаванымі магчымасцямі. На арэне пройдуць цырымоніі адкрыцця і закрыцця XXXII летніх Алімпійскіх гульняў. На арганізацыю спартыўнага свята выдаткуюць не меней за 17,5 мільярда долараў.