Віцэ-прэзідэнт Еўрапейскага саюза па гэтым відзе спорту Ігар Юзефовіч наведаў Мінск і азнаёміўся са спартыўнай інфраструктурай горада, пасля чаго заявіў, што Беларусь можа прэтэндаваць на правядзенне такога форуму.
Анатоль Ліхадзіеўскі, віцэ-старшыня Камітэта спартсменаў і трэнераў Еўрапейскага саюза таэквандо: "Размова ішла аб першынстве Еўропы, і ў нас магчыма правядзенне першынства Еўропы сярод кадэтаў, сярод юніёраў або сярод моладзі да 21 года. З улікам вялікай колькасці турніраў гэта цалкам рэальна. А тым больш, Мінск ведаюць даўно. Мінск мы паказвалі прадстаўнікам Еўрапейскага саюза яшчэ ў 2002 годзе. Увогуле, усе тыя ж людзі да гэтага часу працуюць, яны выдатна памятаюць горад Мінск.. Усе ведаюць, як праходзіў чэмпіянат свету па хакеі. Многія сюды прыязджалі, у тым ліку па маім запрашэнні".
Пасяджэнне па гэтым пытанні адбудзецца ў верасні. Пакуль не вядома, ці будуць у беларусаў канкурэнты ў барацьбе за першынство Еўропы, паколькі год будзе пасляалімпійскі. У любым выпадку, шанцы на перамогу нашай заяўкі вялікія, запэўнілі ў Еўрапейскім саюзе таэквандо.
