Вікторыя Семянюк і Ілья Яхімук не змаглі адабрацца ў лік удзельнікаў адвольнай праграмы ў танцах на лёдзе на чэмпіянаце свету па фігурным катанні, які працягваецца ў Стакгольме. Беларуская пара набрала 28-ю суму балаў, у той час як далей ідуць 20 лепшых дуэтаў.
У суботу ўся ўвага беларускіх аматараў гэтага віду спорту будзе засяроджана на адвольнай праграме ў мужчынскім адзіночным катанні, дзе выступіць наш Канстанцін Мілюкоў. Па выніках кароткай праграмы ён, нагадаем, заняў 16-е месца. "Беларусь 5" пакажа спаборніцтвы ў прамым эфіры. Пачатак трансляцыі ў 13:00. Чэмпіянат свету ў Стакгольме з'яўляецца ліцэнзійным на Алімпійскія гульні ў Пекін.
