У Сан-Паулу стартуе чэмпіянат свету па футболе

Дваццаты, юбілейны. Трыццаць дзве нацыянальныя зборныя і толькі адзін пераможца. Цэлы месяц ад футбола сусветнага ўзроўню змогуць атрымліваць асалоду гледачы тэлеканалаў Беларусь 1, Беларусь 2 і Беларусь 5. У прамым эфіры нашы балельшчыкі змогуць убачыць усе 64 матчы мундзіяля. Першыя трансляцыі ўжо сёння.

Алена Гарэльчык больш падрабязна.

Ён выехаў з Сан-Францыска яшчэ 15 лютага. Да пункта прызначэння, бразільскага горада Прая-ду-Фортэ, дабіраўся праз Мексіку, Гватэмалу, Эквадор і Перу, праехаўшы ўвогуле праз 12 краін. Надзейная Нэлі, а жалезнаму каню з жаночым імем амаль 60, у гэтай доўгай і цяжкай дарозе не падвяла ні разу. Да стартавага матча зборнай Нідэрландаў, якая згуляе з дзеючымі чэмпіёнамі свету - іспанцамі, балельшчык аранжавай каманды Бэн Оўд Камфуіз не спазніўся.

У Прая-ду-Фортэ базіруецца і зборная Харватыі. Менавіта гэтай камандзе выпала жэрабя гуляць у матчы-адкрыцці мундзіяля супраць пяціразовых чэмпіёнаў свету - бразільцаў. Гэтая сустрэча стане адзінай, згулянай у першы дзень сусветнага форуму. За гаспадароў, акрамя ытулаў, перавага роднага поля і фантастычная падтрымка трыбун.

Перамогу ў гэтай сустрэчы букмекеры аддаюць бразільцам.
Апошнім часам па парады стала модна звяртацца да прадракальнікаў са свету фаўны: сусветна вядомы васьміног Паўль, хакейны спецыяліст Краб Пятровіч. Гэтым разам балельшчыкі зрабіць прагноз папрасілі мясцовую чарапаху. Вердыкт аракула адназначны.

Перад матчам-адкрыццём на стадыёне Карынціяанс у Сан-Паулу пройдзе ўрачыстая цырымонія з удзелам вядомых музычных выканаўцаў - такіх як Пітбуль, Беёнсэ, Пол Макартні і Джэніфер Лопес. У мерапрыемстве прыме ўдзел легендарны футбаліст Пеле. Шоу прадоўжыцца 25 хвілін, а завершыцца афіцыйным гімнам чэмпіянату пад назвай Мы адзіныя, падпяваць які разам з 65-тысячнай арэнай змогуць і тэлегледачы тэлеканала Беларусь 2. Прамая трансляцыя цырымоніі пачнецца ў 21:20, пасля чаго ўласна і пачнецца ўсё самае цікавае.