Там зараз працуе наша здымачная група.
На прамую сувязь са студыяй выходзіць наш карэспандэнт Крысціна Камыш (прамое ўключэнне).
Вядома ж, арганізатары спаборніцтваў ведалі, што тут, у Раўбічах, збяруцца прыхільнікі біятлона. Таму яны ніяк не маглі забыць пра алімпійскую гонку з масавым стартам.
Спецыяльна для гледача Кубак Беларускай федэрацыі біятлона перапынілі на гадзіну, вывелі на вялікі экран трансляцыю з Пхёнчхана, і ўвесь стадыён хваляваўся за Дар'ю Домрачаву, Надзею Скардзіну і Ірыну Крыўко. Больш як 2 тысячы чалавек горача падтрымлівалі нашых спартсменак.
Зараз жа спаборніцтвы аднавіліся. На гэты момант завяршыліся мас-старты ў юнакоў і дзяўчат у старэйшых узроставых групах. Ужо адбыліся цырымоніі ўзнагароджання. Нам удалося пагутарыць з трыумфатарамі.
Нагадаем, што каманда-пераможніца можа атрымаць павялічаную квоту на наступны сезон і прадставіць у спаборніцтвах наступнага Кубка Беларускай федэрацыі біятлона па адным дадатковым ўдзельніку ў кожнай узроставай групе.
Да пяці вечара сёння будуць спаборнічаць біятланісты ў малодшай узроставай катэгорыі ў мас-старце. А заўтра ў праграме першынства змяшаныя эстафеты.