Да старту II Еўрапейскіх гульняў у Мінску засталося 94 дні. Сёння ў продаж паступілі білеты для людзей з абмежаванымі магчымасцямі.
Усяго плануюць рэалізаваць больш чым 3 тысячы квіткоў. Цана на іх - 10 % ад агульнага кошту. Падчас афармлення заяўкі на набыццё білетаў глядач можа пакінуць звесткі аб неабходнасці спецыяльнага парковачнага месца. Амаль на ўсіх аб'ектах для асоб з абмежаванымі магчымасцямі прадугледжана бясплатная паркоўка.
Крыху раней у прэс-цэнтры выдавецкага дома "Беларусь сегодня" адбылася сустрэча з прадстаўнікамі стральбы з лука. Спаборніцтвы ў гэтым відзе спорту на II Еўрапейскіх гульнях стануць кваліфікацыяй на Алімпіяду-2020. Тры пуцёўкі ў Токіа атрымаюць пераможцы асабістых турніраў у мужчын і жанчын, а таксама лепшая пара ў міксце. Наша каманда настройваецца на максімальны вынік.
Як адзначыла галоўны трэнер зборнай Кацярына Цімафеева, канкурэнцыя сур'ёзна ўзрасла (дзякуючы паляпшэнню вынікаў моладзі). З саставам вызначацца па выніках майскіх турніраў. Дарэчы, на I Еўрапейскіх гульнях у Баку беларусы выйгралі дзве ўзнагароды - серабро і бронзу.
У продаж паступілі білеты на II Еўрапейскія гульні для людзей з абмежаванымі магчымасцямі
19 марта 2019