Падтрымліваем нашых і ў апошні дзень у каратэ. Гэты від спорту зараз набірае папулярнасць, паколькі ўключаны ў алімпійскую праграму. Шмат з'явілася спартсменаў, здольных пазмагацца за перамогу на самых буйных спаборніцтвах.
На "Чыжоўка-Арэне" працуе наш карэспандэнт Андрэй Казлоў (прамое ўключэнне). І вось у такое сонечнае і цёплае надвор'е са шкадаваннем павінен заўважыць, што завяршаюцца не толькі II Еўрапейскія гульняў, але і спаборніцтвы па каратэ. Аднак імпульс гэтаму віду спорту гэты хатні форум ужо дакладна надасць.
У апошні дзень спаборніцтваў па каратэ хварэем за беларусаў. Менавіта ў гэтыя хвіліны пачынаюцца першыя папярэднія выступленні. Ірына Шарыхіна прымае ўдзел у кумітэ да 55 кілаграмаў у групе А. У кумітэ да 50 кілаграмаў у групе Б выступіць Марыя Кулінковіч. У 10:30 у барацьбу ўступяць і мужчыны. Папярэднія спаборніцтвы будуць працягвацца прыкладна да гадзіны дня.
Анансуе выступленне беларусаў прадстаўнік нацыянальнай каманды Андрэй Грыневіч (відэа).
