У Мінску завяршыўся фінал 20-х рэспубліканскіх спаборніцтваў "Скураны мяч"

8 Верасня 2017

Ад дзіцячай каманды да матчаў за нацыянальную зборную. У Мінску завяршыўся фінал 20-х рэспубліканскіх спаборніцтваў сярод дзяцей і падлеткаў "Скураны мяч" на прызы Прэзідэнцкага спартыўнага клуба. Шматлікія з футбалістаў галоўнай каманды краіны стартавалі менавіта з гэтага турніру, а колькасць удзельнікаў сёлета паказала, што наяўнасць рэзерву ёсць.

Віталь Крупіца, начальнік аддзела Беларускай федэрацыі футбола: "У першую чаргу дзіця павінна стаць здаровай актыўнай асобай, а ўжо потым футбалістам. Гэты турнір паказвае, што ў нас шмат дзяцей, якія любяць футбол, якія займаюцца футболам, нам трэба толькі ствараць умовы".

У малодшай і сярэдняй узроставай групе перамагла каманда "Фартуна" Савецкага раёна Мінска. У старшай узроставай групе лепшымі сталі хлопцы з магілёўскага "Тарпеда". Усяго ў адборачных спаборніцтвах удзел прымалі больш за 40 тысяч футбалістаў.