У Мінску прайшоў XVI Калядны турнір на прыз Прэзідэнта Беларусі

На тыдні мы сачылі за вырашэннем спартыўнай інтрыгі нумар адзін. Гэта ўжо даўно больш чым проста спаборніцтва. У Мінску прайшоў XVI  Калядны турнір на прыз Прэзідэнта Беларусі. Яго яшчэ называюць неафіцыйным чэмпіянатам свету па хакеі сярод аматараў. Але ўжо традыцыйна арганізатары не сталі абмяжоўвацца разборкамі на лёдзе. Так, за пяць дзён прайшлі і дабрачынныя акцыі, і хакейны форум, на якім абмеркавалі стратэгію развіцця гэтага віду спорту  і майстар-клас для падрастаючага  пакалення гульцоў. 

Класічны ж фінал - Беларусь-Расія - быў сапраўднай кульмінацыяй свята. Гаспадары сталі пераможцамі турніру  13-ы раз. Перамога 4:1, але, нягледзячы на лік, інтрыга захоўвалася да фінальнай сірэны. Гэта як раз той выпадак, калі сапраўды, галоўнае не перамога, а ўдзел. 

Бронза турніру адправілася ў Аб'яднаныя Арабскія Эміраты. Калектыў з Блізкага Усходу быў мацнейшы за  Фінляндыю - 3:2. Дарэчы, упершыню на Калядным турніры ўдзельнічала каманда ЗША. Так, зборнай "зорна-паласатых" не атрымалася выйсці з групы, але станоўчыя  эмоцыі ад наведвання Мінска ў іх сапраўды застануцца. Што ж, будзем чакаць дэбютантаў і ў наступным годзе. А пакуль давайце ўспомнім самыя яркія і цікавыя моманты.