В. Дзевятоўскі: II Еўрапейскія гульні ў Мінску стануць пляцоўкай для спартсменаў для заваявання алімпійскіх ліцэнзій у Токіа-2020

II Еўрапейскія гульні ў Мінску стануць добрай пляцоўкай для ўсіх спартсменаў, каб заваяваць алімпійскія ліцэнзіі ў Токіа-2020. Аб гэтым напярэдадні заявіў у інфармацыйным канале Белтэлерадыёкампаніі старшыня Беларускай федэрацыі лёгкай атлетыкі Вадзім Дзевятоўскі. Нагадаем, кваліфікацыйнымі да Алімпіяды сталі 10  відаў спорту. Ад лёгкаатлетаў функцыянер чакае мінімум 3 медаля. Усяго ж у Мінску разыграюць 10 камплектаў узнагарод.

Стартуюць лёгкаатлеты ў барацьбе за медалі 23 чэрвеня. У кваліфікацыі зборная Беларусі выступіць у адной групе з Польшчай, Чэхіяй, Ірландыяй, Латвіяй і Літвой. Тады ж будуць разыграныя індывідуальныя ўзнагароды. 28 чэрвеня - фінал і ўручэнне камплекта медалёў за агульнакаманднае выступленне.