Яго ўдзельнікі - юныя футбалісты, хлопчыкі і дзяўчынкі, якія прыехалі з раённых цэнтраў: Драгічына, Жабінкі, Століна і Іванава. Усяго ў рэгіянальных адборачных спаборніцтвах прынялі ўдзел каля сарака дзіцячых каманд. У абласны фінал выйшлі сем - чатыры мужчынскія і тры жаночыя. Гульні праходзяць адначасова на трох пляцоўках.
Анатоль Новак, галоўны суддзя спаборніцтваў: "Адна з мэтаў, акрамя прапаганды і папулярызацыі футбола, - гэта выявіць перспектыўных дзяцей, якія не займаюцца ў спартыўных школах, далучыць іх да заняткаў з трэнерамі, каб яны раслі, каб яны станавіліся гульцамі нацыянальных каманд".
Спаборніцтвы будуць ісці два дні. Па выніку лепшыя каманды атрымаюць пуцёўку ў рэспубліканскі фінал, які адбудзецца ў верасні ў Мінску.
У Брэсце пачаўся абласны фінал спаборніцтваў "Скураны мяч"
13 июля 2019
