На вышэйшыя вынікі сёння будуць спадзявацца балельшчыкі фіналістаў Кубка Беларусі па футболе. Але цікавы яшчэ адзін момант: салігорскі Шахцёр і гродзенскі Нёман першымі згуляюць на лепшай футбольнай арэне ў Беларусі.
Стадыён пачалі будаваць у 2010-м, а скончылі мінулай восенню. Праўда, адкрыццё вырашылі не фарсіраваць - далі прыжыцца натуральнаму газону. Самае сучаснае гукавое абсталяванне, антывандальныя крэслы і 13400 месцаў - арэна адпавядае чацвёртай катэгорыі УЕФА, а значыць можа прымаць матчы Лігі чэмпіёнаў, самага прэстыжнага клубнага турніру.
Тэлеканал Беларусь 5 будзе весці прамую трансляцыю фіналу Кубка краіны з новай арэны. Пачатак у 19:20.