Гэта права наша краіна атрымала летась на асамблеі ў Чэхіі.
Каля будынкаў Нацыянальнага алімпійскага камітэта працуе наш карэспандэнт - Павел Капуцкі.
45-я Генеральная асамблея Еўрапейскіх алімпійскіх камітэтаў пачала сваю працу. Пасяджэнне выканкама пачалося ў дзевяць раніцы і праходзіла ў закрытым рэжыме. Потым была паўза, а прама зараз прадстаўнікі дэлегацый прадаўжаюць зносіны ў зале алімпійскай славы нашага НАКа.
У Мінск яшчэ прыехалі не ўсе ўдзельнікі асамблеі. Усё-такі галоўныя дні пятніца і субота, таму госці прадаўжаюць прыбываць. Але ў любым выпадку састаў вельмі сур'ёзны. 11 членаў Міжнароднага алімпійскага камітэта. Прэзідэнты і віцэ-прэзідэнты міжнародных федэрацый па відах спорту. А наогул у Мінску будуць прадстаўлены ўсе 50 нацыянальных алімпійскіх камітэтаў Старога Свету. Напярэдадні генсак ЕАК Рафаэль Паньёцы высока ацаніў узровень развіцця спорту ў Беларусі. Рабочая група па падрыхтоўцы асамблеі прыбыла ў нашу сталіцу некалькі дзён таму.
Беларусь выступіць на асамблеі з шэрагам ініцыятыў. У тым ліку наш бок мае намер актыўна ўдзельнічаць у абмеркаванні допінгавых пытанняў. Госці азнаёмяцца з Мінскам: ацэняць спартыўную інфраструктуру, гасцінічны комплекс. І адным з найважнейшых пытанняў стане абмеркаванне магчымасці правядзення ў Беларусі другіх Еўрапейскіх гульняў.
Першыя прайшлі летась у Баку, і там стала зразумела, што маштаб падзеі супаставімы з Алімпіядай. Трэба вельмі добра рыхтавацца. Краіну - гаспадыню Еўрапейскіх гульняў-2019 абвесцяць у найбліжэйшыя тыдні. Але ці возьмецца за форум Беларусь, хутчэй за ўсё, вырашыцца гэтымі днямі.