Больш за 20 тысяч квіткоў на Еўрапейскія гульні ўжо рэалізавана сярод спартыўных аматараў з розных краін. Найбольш папулярны форум у балельшчыкаў з Расіі, Германіі, Ірландыі і Літвы. Пры гэтым на турнір таксама прыедуць жыхары арабскіх краін і Кітая. У топе самых папулярных відаў спорту - лёгкая атлетыка, мастацкая гімнастыка і пляжны футбол. На некаторыя спаборніцтвы квіткі ўжо амаль поўнасцю выкуплены. Нагадаем, II Еўрапейскія гульні стартуюць у Мінску ў чэрвені.
У найбліжэйшы час у продаж паступяць і спартыўныя сувеніры. На іх адлюструюць афіцыйную сімволіку гульняў, а таксама галоўны талісман турніру - лісяня Лесіка.
