Падарожжа "Полымя міру" па Гродзенскай вобласці працягваецца. Сёння ўдзельнікі эстафеты наведваюць Лідскі раён. Да гэтай гадзіны агонь ІІ Еўрапейскіх гульняў пабываў у горадзе Бярозаўка, на старэйшым прадпрыемстве шкляной прамысловасці Беларусі. І ўжо тут шклавары падрыхтавалі для дырэкцыі ІІ Еўрапейскіх гульняў сюрпрыз і прэзентавалі хрустальны факел. Гэта калектыўная работа ад лепшых спецыялістаў прадпрыемства. Дарэчы, сімвалічна вытворчы маршрут гэтага дня стартаваў у самым эфектным цэху завода - хрустальным. Там эстафету прыняў шклавар Лявон Ціхановіч.
Гэтымі хвілінамі "Полымя міру" накіроўваецца яшчэ на два буйныя прадпрыемствы. Урачыстая частка і эстафета па горадзе запланаваныя на 6 вечара. А адразу пасля ля каралеўскіх варот Лідскага замка пройдзе ў літаральным сэнсе палымянае выступленне – светлавы паказ "Агністыя крумкачы".
