Першая прамая трансляцыя з Сочы - гэта ўрачыстая цырымонія адкрыцця гульняў. 7 лютага яе пакажа тэлеканал Беларусь 1. Пачатак у 19.10. Прадоўжыцца шоу каля 3 гадзін.
На працягу 17 дзён увесь свет будзе сачыць за выступленнямі наймацнейшых спартсменаў. Усе спаборніцтвы з удзелам нашых будуць паказаны на Беларусь 2. Алімпійскім каналам з 19-гадзінным вяшчаннем на час Гульняў стане Беларусь 5.
Нагадаем, беларускія спартсмены выступяць у 5 відах алімпійскай праграмы. Усяго на зімовай Алімпіядзе будзе разыграна 98 камплектаў узнагарод у 7 відах спорту.
