Пасля буйнога паражэння ад Расіі з лікам 0:6 на чэмпіянаце свету па хакеі ў Даніі кіраўніцтва федэрацыі і Дэйв Льюіс прынялі рашэнне спыніць супрацоўніцтва. Выконваць абавязкі настаўніка да канца турніру будзе Сяргей Пушкоў. Расійскі спецыяліст два гады запар прыводзіў гродзенскі "Нёман" да перамогі ў чэмпіянаце Беларусі.
Уладзіслаў Клачкоў, спартыўны дырэктар Федэрацыі хакея Беларусі:
"У яго ёсць тыя якасці, якія зараз могуць завесці тую машыну, якая зараз стаіць на халастых абаротах".
Пакінуў трэнерскі штаб па ўласным жаданні і Андрэй Мезін. Дапамагаць Пушкову будуць Вячаслаў Гусаў, Міхаіл Захараў і Андрэй Кудзін. Перастаноўкі аказаліся нечаканымі для хакеістаў зборнай. Ці атрымаецца ўзварухнуць каманду - даведаемся заўтра ў матчы супраць Швейцарыі. Пачатак у 17:15. Прамую трансляцыю будзе весці тэлеканал "Беларусь 1".
