Трэнер мінскага "Дынама" К. Вудкрафт: Не хапіла эмоцый

30 января 2021

Не хапіла эмоцый камандзе, каб пераламаць ход гульні пасля другой прапушчанай шайбы. Галоўны трэнер мінскага "Дынама" Крэйг Вудкрафт падобным чынам рэзюмаваў вынік паядынку рэгулярнага чэмпіянату КХЛ, у якім "зубры" крыўдна саступілі маскоўскаму ЦСКА 2:4. Пры гэтым настаўнік "Дынама" адзначыў, што хакеісты імкнуліся змагацца да канца, аднак стомленасць пасля працяглага сезона адчувалася. У турнірнай табліцы Заходняй канферэнцыі беларусы шостыя. Наступны паядынак таксама адбудзецца дома - заўтра прымаем "Віцязь".